منتدىاِدفاك لعلوم الحاسوب واللغات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدىاِدفاك لعلوم الحاسوب واللغات

منتدى يهتم بكل مايخص الحاسوب واللغات
 
الرئيسيةأحدث الصورالتسجيلدخول
اكاديمية اِدفاك لعلوم الكمبيوتر واللغات Edvack Academy For Computer Sciences and Languages

 

 بتتعلم من الايام ..اسحق الحلنقي

اذهب الى الأسفل 
كاتب الموضوعرسالة
T Mohammed Adam Musa

T Mohammed Adam Musa


عدد المساهمات : 28
تاريخ التسجيل : 06/03/2011

بتتعلم من الايام ..اسحق الحلنقي Empty
مُساهمةموضوع: بتتعلم من الايام ..اسحق الحلنقي   بتتعلم من الايام ..اسحق الحلنقي I_icon_minitimeالجمعة 27 مايو 2011, 6:12 am

بتتعلم من الأيام ... مصيرك بكرة تتعـلم
وتعرف كيف يكون الريد وليه الناس بتتألم

متين عرف الهوي قلبك متين صابك بآهاته
متيـن ليل سهر عيونـك ليلا طويلة ساعاته
وحاتــك لســه ما بتقدر تقاسم قلبي دقاته

أقابلك وكلي حنية وأخاف من نظرتك لـيّـا
وأخـاف شوق العمر كله يفاجئك يوم في عينيّا
وراء البسمات كتمت دموع بكيت من غير تحس بيّا

وبكره الريد بدون مواعيد يزورك ياحياه عمري
وتقول ياريتني لو حبيت زمان من بدري
تعال فرح ليالينا تعال قبل السنين تجري

وبتتعلم من الأيام ... مصيرك بكرة تتعـلم
وتعرف كيف يكون الريد وليه الناس بتتألم
- - - - - - - - - - - - - - - - - - - - - - - - - - - -

الشمس

صدق أمس ..
شفت الشمس
بضوى فى حفلة عرس
وطبعا ده اصلو المستحيل
تطلع شمس والدنيا ليل
لكن وحات وطنى الجميل
والخضره والظل الظليل
شفت الشمس بعيونى ديل
فى الحفلة بتغنى وتشيل
شفنا العريس قام قوًمها
حلف عليها وخصمها
بس رقصة واحدة تقدمها
واتدللت متبسمه ...
قامت عزيزه مكرمه ..
وبى خطوه حالمه منغمه
الخطوه جات متقسمه
خلت قلوبنا مقسمه ..
دى هديه جاتنا من السما
وحفلتنا بيها .. بنختمها
- - - - - - - - - - - - - - - - - - - - - - - - - - - -



اقابلـك

أقابلك
في زمن ماشي
وزمن جاي
وزمن لسة
بشوف الماضي فيك باكر
أريت باكر يكون هسة

وقصر طول مشاويرنا
ورقش بالفرح جلسة على النيل
والقمر مرات يبين في الموج ويدسة
ونحن نقابلو زي طفلين
كلامم كلو بالهمسة
وزي عصفورة قلبها دابو حنة
وبالولف حسَّ

أي عيون بتتقابل
إلا عينيكي ما بتتفات
في عينيك بتوه
كيفن في حلاة البسمة في القاسيات
وعطر الصندل المستني
يفرح بيكي فرحتو جات
وحاتك خلي منو شوية
شان يتكاحل السمحات

بلاك النجمة
لا بتتعلا لا بتتدلا
فوقا هلال
عليكي الريدة طلي علينا
يالختينا فيكي آمال
تجينا فرح ترفرفي فوقنا
نستناكي بالموال
والشوق بيني بينك انتي
زي ماتقول نظرة طال
- - - - - - - - - - - - - - - - - - - - - - - - - - - -

رحتا خليتنا

رحتا خليتنا
تاني ما جيتنا
لو مغالطنا ما مصدقنا
اسال العنبه الراميه فوق بيتنا
خاينا يا دنيا
وقاسيا يا دنيا
قلنا نصبر
لا لا لا ما بنقدر
مالصبر قاسي
والمحبه قدر
خاينه يا دنيا وقاسيا يا دنيا

الزمن غدار
ظلمه ما بندار
حني يا دنيا
واقبلي الاعذار
الرجوع الى أعلى الصفحة اذهب الى الأسفل
 
بتتعلم من الايام ..اسحق الحلنقي
الرجوع الى أعلى الصفحة 
صفحة 1 من اصل 1
 مواضيع مماثلة
-
» (اسحق الحلنقي
» هجرة عصافيرعـصافير االـخريف /اسحاق الحلنقي
» حبيت عشانك كسلا اسحاق الحلنقي

صلاحيات هذا المنتدى:لاتستطيع الرد على المواضيع في هذا المنتدى
منتدىاِدفاك لعلوم الحاسوب واللغات :: المنتديات العامة :: المنتدى االثقافى-
انتقل الى: