الصباح الباهى لونك
وضّاحه يا فجر المشارق
غابة الابنوس عيونك
يا بنية من خبز الفنادك
شيدتي فى جواى صوامع للفرح
وفتحت فى دنياي مسارح للمرح
وبقيتي لي سكة وعيون
لا قدرت طولك اشان اجيك
ولا قدرت من غيرك أكون
انا بيك ماليني الكلام
حرّكت بيك عصب السكون
جلبت ليك الغيم رحط
طرّزت ليك النيل زفاف
حرقت ليك الشوق بخور
فرشت ليك الريد لحاف
لا السكة بيك بتنتهي
ولامعاك مليت طواف
ياريتني لو بقدر أكونك
وضّاحه يا فجر المشارق
الصباح الباهى لونك
يا بنيه من خبز الفنادك
غابة الابنوس عيونك